Isch muss jo sahn... als isch heit die zeitung gelääs hann ...mei liebschda kinnas.
Isch vaschdehn jo nix von derer bollitig, awwa isch kann nur sahn.. do werd äänem kreiziwwel.
Isch hann jo e gudda schobb als klofraa unn beim herrn schpescht hann isch imma mei freid. Is zwaa so ebbes mit kunschd unn so, awwa vonn zeit ze zeit aach ganz amüsant.
Was die jedse mit denne Arbeitsloose aanfange wolle. Isch wääs ja nit. Kann mir nit vorschdelle, dass do ebbes bessa gebt unn aussadem wenn isch mir vorschdell, dass de müller hugo... also das war so e schdudierda uff der unni unn so... also der hatt jo e gudda schobb gehadd awwa wie fascht iwwerall is der arbeitslos genn... wie aach imma... wenn isch mir iwweleehn das der jedse fier nix do schaffe gehn soll. ach godd marei. Do dräht sisch jo die welt uffn kopp. Isch menn.... uffs klo muss jo jeda mo... unn wenn isch kenn schobb meeh hann sollt, dann gehn isch ins schaugeschäft. Do werd isch dann beriehmt. Och das kennt isch mir schon gudd vorschdelle... so mit schiggem kleidsche unn imma scheen geschmingt. Ach godd... unn so schenni ohhringscha aan. Aus rischdischem gold. Da werd isch sischa rischdisch gudd aussiehn.
So isch muss jedse mo weiter budse gehn unn noch s aawendbrot mache.
Liewie grieess

euer emma